Ko lyer ba beh jai jai
Pha pynlung ïa mynsiem jong nga
Pha beh khlem don jingkhuslai keiñ shirta!
Khublei, A ko lyer pha la pyntngen ïa nga
Kumno keiñ mynta ba ngan ïada?
Ha la marwei, nga ïam pangnud, nga da jaw ki ummat
Ïa Mei Mariang haduh katne
Khun bynriew "Kim pyrkhat!"
Pyrthei Mariang ba itynnad
B'u Blei u ai kyrpang
Ka shong ha ngi, tang ha nga bad ha phi
Ïa Mei- Ramew ba ngin sumar ngin ri
Ki um ba shngiam ba sngur
Ba ramew la dep pynwandur
Da khmat ba sngewdiaw, nga peit ïa pha
Shaei, pat mynta jaka ban rieh: ïa nga
Ïathuh keiñ shaei "Ngan ïoh jaka?"
Kjat sngi ba tyngshaiñ, ki wan doh ïeid ïa nga
Jingkyrmen nga don, ba pham duh ïa jingjyrngam
Ngan um ïeh ïa phi, keiñ noh....khun, wat ïam!
Ka ri khlem jingsheptieng, ko ri ki Blei
Ba dap da jingshngaiñ, Ri Tipbriew-Tipblei
To kular ïa nga ba phin kamai hok ha pyrthei
Ïa nga, to sumar-kyndong
Sa shisien ha phi keiñ nga ong.
"Mei Mariang - Ngan ym ieh ïa phi"
- Daohi Manar
An original Khasi poem by @xdtnoahjupejackllthmanar
Thank you for sending this poem! The message that man and nature are intricately connected has to be reiterated!!
Comments