Kynrem phi ieng ha ka burom
Pyrthei ka peit ka da iaroh
U syiem rangbah phi long
Napdeng kiwei kiba don sawdong.
Ban klet kumno ka lah ban long
Ia ki khyndai umdih khyndai um tong
Ka Ri Lai phew syiem, Khatar Daloi.
Khun Hynñiewtrep ki mih ki roi.
Hynriew hajar saw spah sawphew san phut
Kynbat bun jait, ki syntiew ki skud,
Ki mrad ki mreng ki dieng ki siej
Ha la ki rong ka jingiap biej.
Shaphang shatei ka Wah Umshyrpi
U Mawblei ba thiah shaphang Mihngi
Ka Wah Umiew Ka Wah Umtlieng
Ka Wah Umngot ba phuh ba phieng.
Ko Lum Shyllong baieid eh jong nga
Kren lut hangne ym dap kyntien ia nga
To im to sah nang neh shirta jingim
Ai ki longdien kin nym klet la nongrim.
"Lum Shyllong" is an original Khasi poem written by @damechwarymbai410 ⛰️🌲🌿
Khublei Shibun @damechwarymbai410 ba phi la phah ïa kane ka poitri 😄🙏 Nang kiew ha ka sap ka phong jong phi!
Comments