"Mon Da Ka Mon Thymmai" da u Primrose Gatphoh
1. La dikut u 'sai Tyllai,
Mon da ka mon ka Herimai! Phi lah ka Ksiar ne lah ka Rupa, Phi mon sha i, ne mon sha Nga?
2. La dikut u 'sai Tyllai,
Mon da ka mon ka Sngi u Bnai!
U 'tiew Mationg, ne tiew Myngngor,
U spong Rusom, ne kup Jainkhor?
3. La dikut u 'sai Tyllai, Mon da ka mon ka Miaw ka Khnai! U Khun Hati, ne Khun Patsha
Phin kam maphi, ne kam manga?
4. La dikut u 'sai Tyllai, Mon da ka mon ka Ngap ka Lwai; U soh Kynphor, ne soh Niamtra, Phi deng Sohshkor, ne deng Khaila?
Mon da ka Mon Thymmai! Ho!
"La dikut u 'sai tyllai..."
Phi ïa kynmaw ïa kane jinglehkai? 😄😄 Tip ka don kyrteng ne em?
Ïa ki kyntien pura jong ka jingrwai ba kine ki khynnah ki ïa rwai la shem ha ka poitri kaba kyrteng "Mon da ka mon thymmai" ha "Ki Phawar Sara (Nursery Rhymes) Bad Ki Poetry Rit Na Ka Bynta Ki Basic Bad Primary School" ba la thoh da u Primrose Gatphoh. Kane ka dei sha Byrong, Wahlong.
Khublei Shibun @gregoria_ann3 ba phi la phah ïa kane ka video bad ki dur 😃🙏❤️ Sngew kmen ba phi la lap ïa ki kyntien jong kane ka jingrwai!
This is a game that reminds us of childhood days ❤️🥺 It is accompanied by a stanza of a poem entitled "Mon da ka mon thymmai" that is found in the book "Ki Phawar Sara (Nursery Rhymes) Bad Ki Poetry Rit Na Ka Bynta Ki Basic Bad Primary School" written by Primrose Gatphoh.