Kane ka thew ïa ngi baroh 🤭🤭😂😂😅😅
Bun na ngi, ngi khleh lang ïa ka ktien Khasi bad ka ktien phareng haba ïa kren ne ngi shu ïa kren beit tang da ka phareng suda ruh.
Kaei kaba ngi dei ban sngew ka long ba ngi dei ban pyrshang ban kren tang da ka ktien lajong lada ngi don para ma ngi. Ngin lap ba kin don bun ki ktien kiba ngim tip ha ka Khasi. Ngin lap ruh ïa ka jingshongkhia, ka bor bad ka jingïar kaba don ha ka ktien la jong haba ngi kren ïa ka.
Kito kiba sah sha jngai na la ri, ki lap ba katno kata jingkwah ban kren da ka ktien la jong. Bad ba da lah ïoh ban kren, ki da sngew hun shisha! Ka ktien ka pynjan ïa ngi sha ki lyer, ki lum ki wah, ki dieng ki siej bad ka pynskhem ruh ïa ki thied tynrai bad ki nongrim longbriew manbriew jong ngi! 💚🙏